Нармин Морхаҗ

ДНЕПР

Днепрм – ɵргн hолм,

Дууhан дуулыч, шуугич,

Ɵргн теегимм ɵнр ах,

Оньдин чамаhан саннав.

Чамаhан санад суухнь

Чееҗдм ухан бульглна.

Дǝǝнд болсн йовдл

Делггдǝд hарад ирнǝ.

Һал цаhан ɵдрǝр

Һолд оңhцс җивлдлǝ,

Бу-селмин зальд

Бульглҗ усн буслла.

Хаhа бǝǝтлнь, ɵмнǝснь

Хǝǝкрǝд манахс орсн,

Зер-зевǝн ɵргǝд,

Зɵрүлҗ хаhад ɵɵрдсн.

Днепр, чи цахрад,

Дǝǝч үрдǝн далдллач,

Дольгалсн уснасчн аршалад,

Дамҗг авч сүрǝлклǝв.

Эргҗ ɵɵрдҗ ирǝд,

«Ура!» – гиҗ хǝǝкрлǝвидн,

Бǝрүлҗ хортн хаhад,

Баатрмудын цус асхла.

Дала чини усн

Дǝǝчнрин цусар улала,

Теднǝ цусн ивтрсн hазр

Тегǝд ода таалҗанав.

Днепр, менд бǝнч,

Дǝкн эргǝд ирҗǝнǝв.

Ниицнгү сǝǝхн җирhлиг

Нүдǝрн үзхǝр седҗǝнǝв.

Буурл Днепр, чамдан

Би мендǝн келҗǝнǝв,

Карпат, Донбасст күртхǝ,

Күн болhнд җирhл дурдтха,

Эндр мана нǝǝҗнр

Ɵнр Запорожьд бǝǝнǝ,

Теднд йɵрǝл бас күртхǝ,

Теднǝ зүркнǝ чивhс кɵндǝтхǝ.

…Ода би, Днепр,

Эрг деерчн зогсҗанав,

Делгү сǝǝхн җирhл

Дүмбр чамдан дурдҗанав.

Нармин М. Ээлтǝ ɵрүн: шүлгүд // Хальмгин шүлглǝн. Хальмг, орс келǝр. Элст: Хальмг дегтр hарhач, 1987. Х. 11.

Морхаджи Нармаев

ДНЕПР

Брат степей моих, Днепр синеокий,

Вот опять над тобою стою.

Я в краях даже самых далеких

Всем поведал про славу твою.

О тебе говорил, буйноструйный,

И про те незабытые дни.

Снова дрогнули памяти струны,

Оживляя виденья войны.

Помню ясно, как днем тоже ясным

Мы поспешно садились в челны,

А вокруг грохотала опасность,

Сквозь которую плыть мы должны.

Но к воде припадали губами –

И поил ты, и силы вливал,

Заслонял от осколков волнами

И доплыть нам, как мог, помогал.

И пошли с ходу мы в штыковую –

Полегло столько славных ребят!

Потому я здесь землю целую,

Где товарищи верные спят.

Ты услышь меня, Днепр седовласый,

Украине привет передай,

Пусть летит от Карпат и к Донбассу,

И к моим запорожским друзьям.

…Я стою над великой рекою,

А над нею летят журавли.

И курлычут спокойно-спокойно

Над раздольем счастливой земли.

Перевел Григорий Кукарека.

Нармаев М. Б. Добрый день: стихи // Поэтическая Калмыкия. На калм. и рус. яз. Элиста: Калм. кн. изд-во, 1987. С. 25.