Бадмин Серǝтр

ƟРМГ

Салдс бор ɵрмг

Санандм оньдин орна.

Советин Әǝрмд церглсим

Сергǝҗ шинǝс санулна.

Хǝǝртǝ Тɵрскнǝ дуудврар

Хальмг теегǝсн мордлав.

Эврǝннь даалhвр күцǝхǝр

Ээмдǝн ɵрмг ɵмслǝв.

Дал-ээмǝрн далдасн,

Дорак хормаhарн сарсасн

Салдс бор ɵрмгǝс

Сǝǝхн хувцн бǝǝхий?

Хоньна Михаил

БИ БИЧКН КYYКДТ ДУРТАВ

Би Төрскнə дəəнд салдс йовсндан,

Бахлурцаһан түрү, зовлң болмар эдлсндəн,

Бичкдүдин шуугата-дөгəтə нааднд җилвтəв,

Байр, җирһл өгдгтнь эднд дуртав.

Би Төрскнə дəəнд салдс йовсндан,

Бичкдүдин хорлһ нүдəрн үзҗ хальшрсндан,

Гер болһнд эдниг үзхлəрн байрлнав,

Герл һардг көркхн чирəстнь дурлнав.

Нармин Морхаҗ

ДНЕПР

Днепрм – ɵргн hолм,

Дууhан дуулыч, шуугич,

Ɵргн теегимм ɵнр ах,

Оньдин чамаhан саннав.

Чамаhан санад суухнь

Чееҗдм ухан бульглна.

Дǝǝнд болсн йовдл

Делггдǝд hарад ирнǝ.

Һал цаhан ɵдрǝр

Һолд оңhцс җивлдлǝ,

Бу-селмин зальд

Бульглҗ усн буслла.

Кɵглтин Дава

ӘРӘСӘ БОЛҖ YЗГДЛӘ

Санҗин Николайд

Тедүкнд маниг бǝрҗǝх

Толhа авх заката

Кукурузин шарлҗта теегǝс

Кɵвүдǝн уралан дуудлав,

Сарпаhас хол бишт

Сумн оошкдм тусла.

Серд гисн салькнла

Серл агчмд орла.

Җирҗңнǝд hооҗҗах цуснла

Җирhл тасрх гиhǝд,

Халун эврǝннь цусан

 Инҗин Лиҗ

ШАВИН СӨРВТƏ МОДН

Хортыг күүчсн хаалhсарн

Салдсмуд дǝкнǝс йовла,

Холҗсн олн дǝǝллдǝн

Сананд орҗ тодрла.

Нигт садта паркд

Нег мод темдгллǝв,

Ɵшǝтнǝ бомбин тасрха

Ɵрчинь ивтлсиг үзлǝв.

Терүнǝ бат ицгтǝ

харулчнь кевтǝ,

Тонтхр бор чолун

хаҗуднь кевтлǝ.